ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ ಟ್ರಸ್ಟ್ ಚೆನ್ನಮ್ಮನ ಕಿತ್ತೂರ್ ತಾಲೂಕಿನಾದ್ಯಂತ ಪೂಜ್ಯರ ಹುಟ್ಟು ಹಬ್ಬದ ಪ್ರಯುಕ್ತ ತಾಲೂಕಿನ ಯೋಜನಾಧಿಕಾರಿಗಳು ಕ್ಷೇತ್ರದ ಸಿಬ್ಬಂದಿಗಳು ಒಗ್ಗಟ್ಟಿನಿಂದ ಸ್ಥಳೀಯ ದೇವಸ್ಥಾನಗಳಲ್ಲಿ ಅಭಿಷೇಕ ವಿಶೇಷ ಪೂಜೆ ಸಲ್ಲಿಸಿ ಹಾಗೂ ಸರಕಾರಿ ಶಾಲೆಗಳ ಮಕ್ಕಳಿಗೆ ಪಠ್ಯ ಪುಸ್ತಕ ಪೆನ್ಸಿಲ್ ಹಾಗೂ ಊಟದ ತಟ್ಟೆ ವಿತರಣೆ , ಮಾಸಾಶನ ಫಲಾನುಭವಿಗಳಿಗೆ ಹಾಗೂ ಸರಕಾರಿ ಆಸ್ಪತ್ರೆಯ ರೋಗಿಗಳಿಗೆ ಹಣ್ಣುಗಳನ್ನು ವಿತರಣೆ ,ಮಾಸಾಶನ ಫಲಾನುಭವಿಗಳಿಗೆ ವಾತ್ಸಲ್ಯ ಮನೆ ಹಸ್ತಾಂತರ ,ಮತ್ತು ಭಜನಾ ಕಾರ್ಯಕ್ರಮಗಳ ಮೂಲಕ ಪರಮ ಪೂಜ್ಯರ ಹುಟ್ಟಿದ ಹಬ್ಬವನ್ನು ಆಚರಣೆ ಮಾಡಲಾಯಿತು .
ವಿಶೇಷವಾಗಿ ತಾಲೂಕಿನ ಅಂಬಡಗಟ್ಟಿ ವಲಯದಲ್ಲಿ ವೀರಭದ್ರೇಶ್ವರ ದೇವಸ್ಥಾನದಲ್ಲಿ ಅಭಿಷೇಕ್ ಮಾಡಿಸಿ ಅಂಬಡಗಟ್ಟಿ ವಲಯದ ಮೇಲ್ವಿಚಾರಕರು ಮತ್ತು ತಾಲೂಕಿನ ಆಂತರಿಕ ಲೆಕ್ಕ ಪರಿಶೋಧಕರು ಮತ್ತು ಊರಿನ ಗಣ್ಯರಾದ ಮಹಾದೇವಪ್ಪ ಹಿತ್ತಲಮನಿ. ಕೆರೆ ಸಮಿತಿಯ ಅಧ್ಯಕ್ಷರಾದ ಬಸವರಾಜ ಕೆರಿಮಠ ಹಾಗೂ ಊರಿನ ಮುಖಂಡರು ಮತ್ತು ಆತ್ಮೀಯ ಸೇವಾಪ್ರತಿನಿಧಿಯವರು ಸಿ.ಎಸ್.ಸಿ ಸೇವಾದಾರರು ಪೂಜೆ ಸಲ್ಲಿಸುವುದರ ಮೂಲಕ ಪ್ರಾರ್ಥನೆಮಾಡಿ. ಗ್ರಾಮದ ಸರ್ಕಾರಿ ಆಸ್ಪತ್ರೆಯ ವೈದ್ಯರಾದ ಡಾ॥ ಮಹಾಂತೇಶ ಹಿರೇಮಠ ಇವರ ಉಪಸ್ಥಿತಿಯಲ್ಲಿ ರೋಗಿಗಳಿಗೆ ಫಲ ಪುಷ್ಪಗಳನ್ನು ವಿತರಣೆ ಮಾಡಲಾಯಿತು.
0 Comments