ಚ ಕಿತ್ತೂರು: ಡಿಸೆಂಬರ್ 11 ರಂದು ರೈತ ಮುಖಂಡ ಚುನ್ನಪ್ಪ ಪೂಜೇರಿ ನೇತೃತ್ವದಲ್ಲಿ ಬೃಹತ್ ಸಂಖ್ಯೆಯಲ್ಲಿ ಅಧಿವೇಶನಕ್ಕೆ ತೆರಳುವ ಹಿನ್ನೆಲೆಯಲ್ಲಿ ಕಿತ್ತೂರು ಕ್ಷೇತ್ರದಿಂದ ಒಂದು ಲಕ್ಷ ರೈತರು ಪಾಲ್ಗೊಳ್ಳುವಂತಾಗಬೇಕು ಎಂದು ದೇಗುಲಹಳ್ಳಿ ಮಡಿವಾಳೇಶ್ವರ ಮಠದ ವೀರೇಶ್ವರ ಸ್ವಾಮೀಜಿ ಕರೆ ನೀಡಿದ್ದಾರೆ.
ಕಿತ್ತೂರಿನಲ್ಲಿ ನಡೆದ ರೈತ ಸಮಾವೇಶದಲ್ಲಿ ಮಾತನಾಡಿದ ಅವರು ರೈತರೆಲ್ಲರೂ ಒಂದುಗೂಡಿ ಬಲ ಪ್ರದರ್ಶಿಸಿದರೆ ಮಾತ್ರ ತಮ್ಮ ಬೇಡಿಕೆಗಳನ್ನು ಈಡೇರಿಸಿಕೊಳ್ಳಬಹುದು. ಅದಕ್ಕಾಗಿ ನಮ್ಮ ನಮ್ಮಲ್ಲಿಯೇ ವಿವಿಧ ಸಂಘಟನೆಗಳ ಭೇದ ಭಾವ ಮರೆಯಬೇಕು ಎಂದರು.
ತಮ್ಮ ಮುಂದಿನ ಬದುಕನ್ನು ರೈತ ಸಮುದಾಯದ ಏಳಿಗೆಗಾಗಿಯೇ ಮೀಸಲಿಡುವುದಾಗಿ ಘೋಷಿಸಿದ ಅವರು ರೈತರ ಸಮಸ್ಯೆಗಳಿಗೆ ಸ್ಪಂದಿಸಲು ಹಗಲಿರುಳೆನ್ನದೆ ಸದಾ ಸಿದ್ಧರಿರುವುದಾಗಿ ತಿಳಿಸಿದರು.
ತಾವೂ ಪಾದಯಾತ್ರೆ ಮೂಲಕ ರೈತರ ಜೊತೆಗೆ ಹೆಜ್ಜೆ ಹಾಕುವುದಾಗಿ ಹೇಳಿದ ಅವರು ದೊಡ್ಡ ರೈತರು ಉದಾರಿಗಳಾಗಿ ಸಣ್ಣಪುಟ್ಟ ರೈತರನ್ನೂ ಕರೆದುಕೊಂಡು ಹೋಗುವ ವ್ಯವಸ್ಥೆ ಮಾಡಿ ಒಟ್ಟಿನಲ್ಲಿ ಅಂದಿನ ಕಾರ್ಯಕ್ರಮ ಯಶಸ್ವಿಯಾಗುವಂತಾಗಬೇಕು ಎಂದು ತಮ್ಮ ಮನದಿಂಗಿತವನ್ನು ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ರೈತ ಮುಖಂಡ ಚುನ್ನಪ್ಪ ಪೂಜೇರಿ ಹಾಗು ಕಿತ್ತೂರು ನಾಡಿನ ಹಲವಾರು ಗಣ್ಯರು ಉಪಸ್ಥಿತರಿದ್ದರು.
0 Comments