kittur Vijay news.ನವೆಂಬರ್ 28 ರಂದು ಕಿತ್ತೂರಿನಲ್ಲಿ ರೈತರ ಬೃಹತ್ ಸಮಾವೇಶ. ಚುನ್ನಪ್ಪ ಪೂಜೇರಿ, ಶಶಿಕಾಂತ ಗುರೂಜಿಗೆ ಸನ್ಮಾನ.

ಕಿತ್ತೂರು ವಿಜಯ ಸುದ್ದಿ ಚ ಕಿತ್ತೂರು : ಇದೇ ನವಂಬರ್ 28ರಂದು ಕಿತ್ತೂರು ಚನ್ನಮ್ಮ ಸರ್ಕಲ್ ಬಳಿ ಬೃಹತ್ ರೈತ ಸಮಾವೇಶ ನೆರವೇರಲಿದ್ದು ಸಾವಿರಾರು ಸಂಖ್ಯೆಯಲ್ಲಿ ರೈತರು ಪಾಲ್ಗೊಳ್ಳುವಂತೆ ಇಲ್ಲಿಗೆ ಸಮೀಪದ ದೇಗುಲಹಳ್ಳಿಯ ಶ್ರೀ ಮಡಿವಾಳೇಶ್ವರ ಮಠದ ವೀರೇಶ್ವರ ಮಹಾಸ್ವಾಮಿಗಳು ಕರೆ ನೀಡಿದರು. 
ಸ್ಥಳೀಯ ಡೊಂಬರಕೊಪ್ಪ ಪ್ರವಾಸಿ ಮಂದಿರದಲ್ಲಿ ನಡೆದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡಿದ ಅವರು "ಅಂದು ಮುಂಜಾನೆ 10-30 ಕ್ಕೆ ನೆರವೇರುವ ರೈತ ಸಮಾವೇಶದಲ್ಲಿ ರೈತ ಮುಖಂಡರಾದ ಚುನ್ನಪ್ಪ ಪೂಜೇರಿ ಹಾಗೂ ಶಶಿಕಾಂತ ಗುರೂಜಿ ಅವರನ್ನು ಸನ್ಮಾನಿಸಲಾಗುವುದು. ಅಲ್ಲದೇ ಮುಂದಿನ ದಿನಗಳಲ್ಲಿ, ರೈತರ ಸಮಸ್ಯೆಗಳಾದ ಕಬ್ಬಿನ ದರ ನಿಗದಿ, ಮೆಕ್ಕೆಜೋಳ, ಭತ್ತ, ಜೋಳ ಮುಂತಾದ ಬೆಳೆಗಳಿಗೆ ಬೆಂಬಲ ಬೆಲೆ ಘೋಷಣೆ, ಬೋರ್ವೆಲ್ ಗಳಿಗೆ ಹಗಲಿನಲ್ಲಿಯೇ ವಿದ್ಯುತ್ ನೀಡಿಕೆ, ಕಬ್ಬಿನ ತೂಕದಲ್ಲಿ ಆಗುತ್ತಿರುವ ಮೋಸ ತಡೆಗಟ್ಟುವಿಕೆ ಹಾಗು ಇನ್ನೂ ಹಲವಾರು ಸಮಸ್ಯೆಗಳ ಕುರಿತು ಮಹತ್ವದ ಚರ್ಚೆ ನಡೆಸಿ ತೀರ್ಮಾನ ತೆಗೆದುಕೊಳ್ಳಲಾಗುವುದು ಎಂದು ತಿಳಿಸಿದರು.
 ಕಿತ್ತೂರು ಭಾಗದ ಎಲ್ಲ ರೈತ ಮುಖಂಡರು ಪಕ್ಷ ಬೇಧ ಮರೆತು ಆ ಸಮಾವೇಶದಲ್ಲಿ ಪಾಲ್ಗೊಳ್ಳುವಂತೆ ಆಹ್ವಾನಿಸಿದ ಅವರು ರೈತರು ಎಲ್ಲರೂ ಒಂದಾಗಿ ಹೋರಾಟ ಮಾಡಿದರೆ ಮಾತ್ರ ಅವರ ಬೇಡಿಕೆಗಳು ಈಡೇರಲು ಸಾಧ್ಯ ಎಂದು ನುಡಿದರು.
ಈ ಸಂದರ್ಭದಲ್ಲಿ ಬಿಷ್ಟಪ್ಪ ಶಿಂದೆ ಅಪ್ಪೇಶ್ ದಳವಾಯಿ ವಿಜಯಕುಮಾರ ಶಿಂಧೆ,ಶಿವನಸಿಂಗ ಮೊಕಾಶಿ, ನಿಂಗಪ್ಪ ತಡಕೋಡ, ಪ್ರವೀಣ ಸರ್ದಾರ, ಜಿ ಎಸ್ ಹಿರೇಮಠ ಮುಂತಾದವರು ಉಪಸ್ಥಿತರಿದ್ದರು.

Post a Comment

0 Comments