ಮಗಳ ಕೊಂದು ತಾಯಿ ನೇಣಿಗೆ ಶರಣು: ಸ್ಥಳದಲ್ಲಿ ಡೆತ್ ನೋಟ್ ಪತ್ತೆ
ಚನ್ನಮ್ಮನ ಕಿತ್ತೂರು : ಏಳು ವರ್ಷದ ಮಗಳಿಗೆ ನೇಣು ಹಾಕಿ ಕೊಂದು ತಾನು ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ದಾರುಣ ಘಟನೆ ತಾಲೂಕಿನ ಡಿಂಡಲಕೊಪ್ಪ ಗ್ರಾಮದಲ್ಲಿ ಸೋಮವಾರ ಬೆಳಿಗ್ಗೆ ಬೆಳಕಿಗೆ ಬಂದಿದೆ.
ಮಗಳು ಚಾಂದನಿ ಇಂಚಲ (7) ಅವಳಿಗೆ ನೇಣು ಬಿಗಿದು ನಂತರ ತಾಯಿ ಮಹಾದೇವಿ ನಾಯಕಪ್ಪ ಇಂಚಲ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.
ದಿಂಡಲಕೊಪ್ಪ ಗ್ರಾಮದ ತವರು ಮನೆಯಲ್ಲಿ ತಾಯಿ ತಂದೆ ಜೊತೆ ಸುಮಾರು 5 ವರ್ಷದಿಂದ ವಾಸವಾಗಿದ್ದಳು. ಅವಳ
ಸಹೋದರ ರಂಗಪ್ಪ ಭೀಮಪ್ಪ ಬಿಲ್ಯಾರ, ಈತನ ಪತ್ನಿ ಅನಪೂರ್ಣ ಮೃತ ಮಹಾದೇವಿಗೆ ನಿತ್ಯ ಕಿರುಕುಳ
ನೀಡುತ್ತಿದ್ದರು. ಇವರ ಕಿರುಕುಳ ತಾಳದೇ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಸ್ಥಳದಲ್ಲಿ ಡೆತ್ ನೋಟ್ ಪತ್ತೆಯಾಗಿದೆ ಎಂದು ತಿಳಿದು
ಬಂದಿದೆ.
ಈ ಕುರಿತು ಕಿತ್ತೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರೆದಿದೆ.
0 Comments